उघड्या बोडक्या टेकडीवर
 उतरून आलं आहे
 धूर  भरलं आभाळ

अनंत ढवळे

हायकू

मन मोठं कर
हे सांगत  घोंघावताहे
शिशिरातला सर्द वारा

अनंत ढवळे

 मध्यरात्रीचे हायकू

अर्थहीन झाल्यात

बहुतेक गोष्टी
रस्ते, दिवे, ही मध्यरात्र

**

कुणाला बोलावताहेत
या उन्हाळ मध्यरात्री
झाडांच्या विरक्त सावल्या

अनंत ढवळे

कोकणातले हायकू २

पांढरी वाळू
निळा समुद्र
कष्टाने काळवंडलेले लोक...

अनंत ढवळे

कोकणातले हायकू

कोकणातली उदास संध्याकाळ
माडांपलीकडून
समुद्र घोंघावतोय

अनंत ढवळे