1

जंगलांच्या आठवणीत
बाल्कन्यांमध्ये रमलेले लोक
रोपांइतकेच समजदार

 . अनंत ढवळे 

1

एकसाथ हलू लागलेत 
गुप्त संदेशातनं आदेश मिळाल्यासारखे   
हजारो झाडमाथे

-
अनंत ढवळे

1

जंगले खोल आहेत
गडद हिरवी क्वचित करडी
व्यामिश्र आवाजांची  

-

अनंत ढवळे  

1

जरा डोळे मिटले तर 
निसटून गेली लांब-रुंद दुपार
रात्र म्हटली आलेच मी  
-
अनंत ढवळे 

1

पत्ता विचारणाऱ्या 
तिऱ्हाइतासोबत गप्पा मारत बसलेत
एकाकी उन्हाळ रस्ते

.

अनंत ढवळे   

1

पंख्याच्या भरारा वाऱ्यात 

किणकिणतंय काही सतत 

चहाच्या रिकाम्या कपावर 

-

अनंत ढवळे 

1

पुण्यातल्या ह्या भागात
खुललेला असतो जागोजागी चाफा
हे गाव चाफेपुर असल्यासारखा 

-

अनंत ढवळे