नौका

अपरंपार पांढुरके आकाश
खाली एकाकी नौका
समुद्र नेहमीइतकाच अनाकलनीय

-

अनंत ढवळे

वाहणे

झऱ्याचे वाहणे जितके
जुने,  तितकेच आदिम
हे खडक, ही जमीन

-

अनंत ढवळे

अव्याहत

मोठ्या लगबगीने
उगवून येताहेत कार्डामम्स
हे अव्याहतपण, ही उमेद

-

अनंत ढवळे

1

चार दोन दिवसांत
नितळून निघेल बर्फाखालचे
संचित

—

अनंत ढवळे

Ocean

 Location - Virginia Beach

1

वार्‍यामागून उरलेल्या
धुळीसारखे संदर्भ ठेवून
निघून गेला आहे आणखी एक दिवस

-

अनंत ढवळे

1

क्वारंटीन झालेल्या रस्त्याकाठी
मध्यम लयीत हलतो आहे
आश्वस्त रिव्हर बर्च

-

अनंत ढवळे