उत्तररात्रीचे हायकू # 4

आपल्या आत उभी असते

एक अख्खी दुनिया

जी आपण न्याहाळत असतो केवळ

-

अनंत ढवळे 

उत्तररात्रीचे हायकू # 3

हा विचार केला असेल

आपल्याआधी अनेकानी

स्थळकाळावरच्या किरकोळ ओरखड्यासारखा

-

अनंत ढवळे

उत्तररात्रीचे हायकू # 2

कोण-कोण जागा असेल

मी विचार करतो आहे

ह्या अनाकलनीय क्षणात

-

अनंत ढवळे

उत्तररात्रीचे हायकू # 1

ऐन मध्यरात्री तरारून 

आलं आहे 

हे लालबुंद तांबड्या फुलांचं झाड

-

अनंत ढवळे