1

एवढ्या लवकर 

उजळून आलंय आभाळ 

हे देखील ठीकच 

-

अनंत ढवळे 

1

उंच इमारतीच्या 

मागचे निळसर आभाळ

समुद्रासारखे खोल 

-

अनंत ढवळे 

1

पाच वाजताच्या 

सूर्योदयासोबत पक्षांची किलबिल

ऐकत बसणं 

-

अनंत ढवळे 

1

स्वप्नात उठून बसलो
आता प्रश्न पडलाय - हे खरंय 
की ह्या आधी पाहिलेलं  
 
.. 
अनंत ढवळे 

1

आपण लवकरच 

विसरून बसूत ही बर्फ-वादळे

स्थळकाळाच्या आदिम झपाट्यात  

 

.. 

अनंत ढवळे 

1

जाणिवेची बोट

मौसमी वादळ-वारे झेलून

जुनी पुराणी झालेली 

 

.. 

अनंत ढवळे 

1

मेट्रोतल्या मुलीकडे 
रेंगाळून बघताहेत उन्हाचे कवडसे 
ओशाळल्यासारखे, आशाळभूत 

.. 
अनंत ढवळे 

1

पावसाळी सकाळ 

महानगरावर धुक्याचं आवरण 

इमारतींची अस्पष्ट भुते  

.. 

अनंत ढवळे  

1

सोमवारची रात्र 

एकाकी बारमध्ये रेंगाळताहेत   

एकांडे लोक 

.. 

अनंत ढवळे  

1

पावसांच्या थेंबांची लय 

जसे अनोळख्याचे दार वाजवणे

टक टक टक टक टक  

.. 

अनंत ढवळे  

1

उदासवाणी सकाळ   

दूरवर काही फडफडण्याचा आवाज

दिवसाची संथ सुरूवात 

..

अनंत ढवळे 

1

एक लहानसा पक्षी 

आजकाल रोज उठवतो झोपेतनं

व्हायला नको ह्या गोष्टीची सवय 

. 

अनंत ढवळे 

1

दरीतनं येणारे ध्वनी 

ऐकणाऱ्याच्या मनातले विचार 

टपोऱ्या डोळ्यांची हरणं 

. 

अनंत ढवळे 

1

दुरून काहीसे बेरंग 

दिसताहेत हिवाळ्यातले वृक्ष 

हे करडेपण लवकरच बदलणारं 

. 

अनंत ढवळे 

1

नीरवतेचा ओघळ 

झऱ्यातून वाहणारं पाणी 

बघणाऱ्याचा अभाव 

.

अनंत ढवळे 

1

धूरही गोठून जावा
अशी पडली होती
यंदा थंडी 

..

अनंत ढवळे 

1

अर्धवट पडद्याआडून
डोकावून बघतोय
संधीसाधू सूर्य 

..

अनंत ढवळे 

1

दिवस कलंडून जातोय
लांबत जाते आहे - न केलेल्या
कामांची यादी 

**

अनंत ढवळे